Hoxe vense de presentar un escrito para a mellora da rede de sumidoiros en Paiosaco, xa que cando chove os sumidoiros non dan recollido toda a auga, como xa se reclamara no mes de novembro ao Concello larachés.
Abr
15
O venres 20 de abril ás 20:30 haberá unha charla sobre a REFORMA LABORAL do PP no local da Asociación de Veciños/as Campo da Feira (Avda. Bergantiños, 48 de Paiosaco)
O Grupo Parlamentar do Bloque Nacionalista Galego (BNG), presentou diversos escritos no Parlamento Galego (podes velos embaixo en formato PDF), esixíndolle á Xunta de Galiza que autorice de inmediato a farmacia en Paiosaco.
Proposición para o seu debate en comisión
Proposición para o seu debate en pleno
Pregunta para resposta por escrito
Mar
18
No Diario de Bergantiños 18/03/2012
Na Voz de Galicia 18/03/2012
Dende a Asociación de Veciños/as Campo da Feira seguimos coa campaña para reclamar a farmacia para a vila. Desta volta colocáronse carteis en Paiosaco e na Laracha (adxúntanse fotos), para facerlle ver ao alcalde da Laracha e ó seu grupo de goberno que a reclamación deste servizo é algo moi necesario para a nosa poboación; e que dunha vez esixan dende o Concello que a Consellería de Sanidade da Xunta de Galicia autorice a farmacia para Paiosaco, xa que dende o concello non están a facer nada para acadala. E máis, aceptan sumisamente o que lles din na Consellería. Se a Conselleira lles di que non se pode autorizar, porque non hai poboación suficiente no concello, dende o grupo de goberno larachés calan e obedecen submisamente, aínda que saben que saben que hai excepcións na normativa para poder aprobar unha farmacia para Paiosaco.
Igualmente estamos a recoller novas sinaturas para enviarllas á Conselleira de Sanidade. Desta volta a sinatura realízase por internet no portal actuable.es. Desta maneira, envíanlle un correo electrónico a Conselleira, cada vez que unha persoa asina o escrito.
Dende a Asociación seguiremos a traballar neste tema ate que Paiosaco conte coa farmacia.
Copia e pega no teu navegador este enderezo e asina:
http://actuable.es/peticiones/farmacia-paiosaco-xa
Recortes da prensa do día 10 de marzo sobre as reclamacións feitas pola Asociación para que se arranxe a estrada AC-552 e se poña un carril central de incorporación para acceder á Agrela.
No diario de Bergantiños
Na Voz de Galicia
Mar
13
Dende a Asociación de Veciñas/os volvemos retomar fai unhas semanas a reclamación da farmacia para Paiosaco. Asina para reclamarlle a Conselleira de Sanidade da Xunta que en Paiosaco queremos dunha vez a farmacia.
Vai á seguinte ligazón para asinar http://actuable.es/peticiones/farmacia-paiosaco-xa
A Asociación de Veciñas e Veciños presentou hoxe varios escritos solicitando a mellora da estrada AC-552 ao seu paso por Paiosaco.
O primeiro dos escritos vai dirixido ao Conselleiro de Medio Ambiente, Territorio e Infraestruturas da Xunta de Galicia, xa que este contestou a un escrito presentado pola Asociación o pasado mes, no que se solicitaba un carril central de incorporación, para acceder ao lugar da Agrela. Na contestación do conselleiro disenos que dende o punto de vista da seguridade vial habería que facer o que nós tiñamos solicitado á Xunta, pero que isto conlevaría a perda de prazas de estaciomamento nas marxes da estrada. No escrito presentado hoxe, vólveselle a reclamar a Consellería a que faga o carril central de espera, xa que é moito máis importante a seguridade vial que un par de prazas de aparcamento.
Os outros dous escritos presentados van dirixidos ao mesmo Conselleiro e ao Alcalde da Laracha, reclamando que dunha vez se arranxe a estrada AC-552 ao seu paso por Paiosaco, xa que como todo o mundo pode comprobar está nun estado lamentable. Dende o concello da Laracha parece que lles preocupa máis que se arranxe a Praza do Generalísimo Franco que a estrada principal que atravesa o Concello.
O vindeiro sábado día 3 de marzo a Asociación de Veciños/as Campo da Feira celebra a súa Asemblea Xeral Ordinaria, ás 18:00 horas en 1ª convocatoria e ás 19:00 horas en segunda convocatoria.
Igualmente ese mesmo día haberá unha exposición dos cursos de coiro e cestaría que se fixeron na Asociación de Veciños/as. A exposición poderase visitar das 5 ás 8 da tarde no local social, na avda. Bergantiños, 48 de Paiosaco.
Recortes de prensa do día doxe, onde se fai referencia, a demanda da farmacia para Paiosaco.
Na Voz de Galicia
No Diario de Bergantiños
